2025 жылдан бастап көпбалалы отбасыларға жәрдемақы мөлшері 6,5%-ға артты

Қазақстанда 2025 жылдың басынан бері 856 мыңға жуық отбасы мемлекеттік жәрдемақымен қамтылды, деп хабарлайды Еңбек және халықты әлеуметтік қорғау министрлігі.

Ведомствоның мәліметінше, жәрдемақымен қамтылған отбасылардың ішінде көпбалалы отбасыларға берілетін жәрдемақымен — 308,9 миллиард теңге сомасына 613,4 мың отбасы; наградталған аналарға берілетін жәрдемақымен — 45,6 миллиард теңге сомасына 242,8 мың адам қамтылыпты.

2025 жылдың шілде айында жоғарыда аталған жәрдемақылармен жалпы сомасы 49,7 млрд теңге мөлшерінде 846,1 мың отбасы, оның ішінде: көпбалалы отбасыларға берілетін жәрдемақымен 43,1 млрд теңге сомасына 601,2 мың отбасы; наградталған анаға берілетін жәрдемақымен 6,6 млрд теңге сомасына 244,9 мың адам қамтылды.

Еңбек және халықты әлеуметтік қорғау министрлігінің дерегінше, қаңтар-шілде айларында көпбалалы және марапатталған аналарға жалпы 354,5 млрд теңге төленген. Оның ішінде 613 мыңнан астам көпбалалы отбасы 308,9 млрд теңге, ал "Алтын алқа", "Күміс алқа" иегерлері мен өзге де марапатталған аналар 45,6 млрд теңге алған.

Жәрдемақы мөлшері бала санына қарай есептеледі. Мысалы, төрт баласы бар отбасы айына 63 мың теңге, жеті баласы бар отбасы 110 мың теңгеден аса жәрдемақы алады. Ал марапатталған аналарға 25 мыңнан 29 мың теңгеге дейін төленеді.

Министрлік биылғы 1 қаңтардан бастап барлық жәрдемақы көлемі 6,5%-ға өскенін атап өтті.