Алматыда адам өліміне әкелген автобус апаты болды

Алматыда 26 маусымда адам өліміне әкелген автобус апаты болды, деп хабарлады полиция департаменті. 

"Жол-көлік оқиғасына қатысты қылмыстық іс қозғалды. Оқиға сағат 14.20-да Алматы қаласының Алмалы ауданында болған", – делінген хабарламада.

Алдын ала мәлімет бойынша, "KIA" жүргізушісі Мақатаев көшесімен оңтүстік бағытта өтіп бара жатып, "City-Bus" ЖШС жеке тасымалдаушысы қызмет көрсететін 18-бағыттағы автобуспен соқтығысып, артынша кедергіге соқтығысқан.   

Оқиға салдарынан автобустың 16 жолаушысы медициналық көмекке жүгінді. Бір жолаушы оқиға орнында қаза болды.