Қазақстан жол сапасын арттыру үшін Оңтүстік Кореяның озық тәжірибесін игереді

Астанада Қазақстан жол ғылыми-зерттеу институты мен Корея автомобиль жолдары агенттігі өзара түсіністік туралы меморандумға қол қойды. Құжат жол инфрақұрылымы, ғылыми зерттеулер және стандарттау саласындағы бірлескен жобаларды дамытуға қатысты келісімдерді бекітті, деп хабарлады институттың баспасөз қызметі. 

Келіссөздер барысында ынтымақтастықтың негізгі бағыттары айқындалды, оған жол саласында бірлескен зерттеулер мен әзірлемелерді жүргізу, жол қауіпсіздігін арттыру және сынақ полигонын салу кіреді. Сондай-ақ стандарттау мен жүйелі тәжірибе алмасу мәселелеріне ерекше назар аударылды. Бұл Қазақстанға Оңтүстік Кореяның озық тәжірибесін игеруге және оны еліміздің климаттық ерекшеліктеріне бейімдеуге мүмкіндік береді.

Меморандумға қол қою халықаралық ғылыми ынтымақтастық үшін жаңа мүмкіндіктер ашады. Қазақстан тарапынан бастамашы болған "ҚазжолҒЗИ" алдағы бірлескен зерттеулер мен жаңа технологияларды енгізудің негізгі алаңына айналады. Жоспарда сынақтар өткізу, стандарттар әзірлеу және корей әріптестерімен жүйелі тәжірибе алмасу бар. 

Құжатқа қол қою екі ел арасындағы стратегиялық әріптестікті нығайтудағы маңызды қадам болды. Қазақстан үшін бұл әлемнің үздік тәжірибелері мен технологияларына қол жеткізсе, ал екінші тарапқа еуразиялық көлік дәліздерін дамытуға қатысу мүмкіндігін береді.