ҚМДБ 2025 жылғы Шәууәл айына арналған ораза кестесін жариялады

3 сәуір 2025, 10:56 Авторға хат жазу قازاقشا Qaz

Шәууәл айында ораза ұстау парыз емес. Ол нәпіл ораза саналады.

Қазақстан мұсылмандары діни басқармасы Шәууәл айына арналған нәпіл оразасының кестесін жариялады.

Ислам діні бойынша, Шәууәл айында алты күн ораза ұстау – бір жыл ораза ұстағанмен тең.

Шәууәл айының оразасы нәпіл ораза саналады, яғни оны ұстау ешкімге міндет емес, адамның өз еркінде. Дегенмен, мұны ұстамаған жан Пайғамбар хадисіндегі бір жылдық оразаның сауабынан құр қалады.

Оразаға қалай ниет етеді?

"Алла ризалығы үшін Шәууәл айында нәпіл оразаның бірінші күнін (екінші не үшінші күнін) ұстамаққа ниет еттім" деуге болады. Ауыз ашқанда да әдеттегідей сумен не құрмамен ашып, қазақша тілек-дұға жасауға болады. Арнайы ниет-дұға жоқ.

Оқи отырыңыз: Шәууәл 2025: Алты күндік оразаны қалай ұстайды және оның сауабы қандай