Республика күніне орай ХҚКО-лар жұмыс кестесін өзгертеді

Республика күні мерекесіне байланысты 25 қазан, сенбі күні еліміздегі барлық халыққа қызмет көрсету орталығы (ХҚКО) мен мамандандырылған ХҚКО-лар жұмыс істемейді, деп хабарлайды "Азаматтарға арналған үкімет".

Ал 27 қазан, дүйсенбі күні кезекші ХҚО-лар мен мамандандырылған бөлімшелер қызмет көрсетеді.

• Кезекші ХҚО-лар сағат 9:00–13:00 аралығында,
• Мамандандырылған ХҚО-лар 9:00–12:00 аралығында жұмыс істейді,
• Дайын құжаттарды беру уақыты — 13:00-ге дейін.

28 қазаннан бастап барлық орталық қалыпты жұмыс режиміне қайта оралады.

Кезекші бөлімшелердің тізімін Мемлекеттік корпорацияның ресми Instagram–парақшасынан немесе 1414 нөмірі арқылы білуге болады.