USD:
513.3 / 515.9
EUR:
592.0 / 597.0
RUB:
6.51 / 6.63
Мәжіліс депутаттары кеше Сенат енгізген 2026-2028 жылдарға арналған республикалық бюджет туралы заңға өзгерістер мен толықтыруларды қарап, олармен келісті. Бұл өзгерістер өңірлерге берілетін субвенциялар көлемін 17,5 млрд теңгеге арттыруды көздейді. Қосымша 2026 жылы өңірлерді дамытуға тағы 28,5 млрд теңге бағыттау жоспарланып отыр.
2026 жылдың 1 қаңтарынан бастап Қазақстанда айлық есептік көрсеткіш (2026 жылы 4325 теңге) пен ең төменгі күнкөріс деңгейінің мөлшері (2026 жылы 50 851 теңге) өзгереді. Сәйкесінше зейнетақы, жәрдемақылар мен түрлі әлеуметтік төлемдердің де сомасы артады.
Осы ретте Informburo.kz келер жылы зейнетақы, жөргекпұл, бала күтіміне, көпбалалы отбасылар және аналарға, мүгедектерге, асыраушысынан айырылғандарға төленетін жәрдемақы мен әлеуметтiк төлемдердiң мөлшерi қалай өзгеретінін есептеді.
№1. Ең төменгі жалақы мен ең төменгі күнкөріс деңгейі қанша?
2026 жылы ең төменгі жалақы мөлшері бұрынғыдай 85 мың теңге болып қала береді.
Базалық әлеуметтік төлемдерді есептеу үшін ең төменгі күнкөріс деңгейі 2026 жылға 50 851 теңге шамасында белгіленді. 2025 жылы ең төменгі күнкөріс деңгейі 46 228 теңге болды.
№2. Зейнетақы қанша теңге болады?
2026 жылы базалық зейнетақы мөлшері ең төменгі күнкөріс деңгейіне байланысты есептеледі.
Мемлекеттік базалық зейнетақының ең төмен мөлшері – 35 596 теңге болады (ең төменгі күнкөріс деңгейінің 70%-ы).
Төлем мөлшері азаматтың 1998 жылға дейінгі еңбек өтіліне байланысты өседі:
- 15 жыл еңбек өтілі бар азаматтар – 40 680 теңге (ең төменгі күнкөріс деңгейінің 80%-ы);
- 30 жылдан көп еңбек өтілі бар азаматтар 55 936 теңге көлемінде максималды базалық зейнетақы алады (ең төменгі күнкөріс деңгейінің 110%-ы).
Ең төменгі зейнетақы 2026 жылы 69 049 теңге болады. Бұл көрсеткіш республикалық бюджет туралы заңда бекітілген.
2026 жылы зейнет жасы ерлер үшін де, әйелдер үшін де бұрынғыдай қала береді: ерлер – 63 жас, әйелдер – 61 жас.
Оқи отырыңыз: Қазақстанда 2 млн 489 мың зейнеткер бар. Орташа зейнетақы мөлшері қанша
№3. Көпбалалы отбасылардың жәрдәмақысы қанша болады?
2026 жылы көпбалалы аналарға төленетін мемлекеттік жәрдемақы мөлшері:
- 4 бала – 69 265 теңге (16 АЕК);
- 5 бала – 86 598 теңге (20 АЕК);
- 6 бала – 103 930 теңге (24 АЕК);
- 7 бала – 121 263 теңге (28 АЕК);
- 8 және одан көп бала – әр балаға 4 АЕК мөлшерінде, яғни кемінде 138 596 теңге.
"Алтын алқа", "Күміс алқа" иегерлеріне жәрдемақы:
- "Алтын алқа" иелеріне – 31 997 теңге (7,4 АЕК);
- "Күміс алқа" иелеріне – 27 680 теңге (6,4 АЕК).
№4. Бала туғанда берілетін біржолғы жәрдемақы мөлшері қанша?
Бала туғаннан кейін әйелдерге жұмыс істесе де, істемесе де біржолғы мемлекеттік жәрдемақы беріледі. Жөргекпұл сомасы бала кезегіне байланысты:
- Бірінші, екінші және үшінші балаға – 164 350 теңге (38 АЕК);
- Төртінші және одан кейінгі балаларға – 272 475 теңге (63 АЕК).
- Егіз, үшем немесе төртем болса, мемлекеттік жәрдемақы әр балаға жеке-жеке есептеледі.
Оқи отырыңыз: Қазақстанда 2025 жылы 847 мыңнан астам отбасы мемлекеттік жәрдемақы алды
№5. Бір жарым жасқа дейінгі бала күтімі үшін берілетін жәрдемақы мөлшері қандай?
Жұмыс істемейтін әйелдерге бала кезегіне қарай бiр жарым жасқа толғанша ай сайын төлем беріледі:
- Бірінші балаға – 24 912 теңге (5,76 АЕК);
- Екінші балаға – 29 465 теңге (6,81 АЕК);
- Үшінші балаға – 33 951 теңге (7,85 АЕК);
- Төртінші және одан кейінгі балаларға – 38 503 теңге (8,9 АЕК).
Егер анасы бала күтімі демалысына дейін ресми түрде жұмыс істеген болса, онда ол соңғы екі жылдағы орташа табысының 40%-ы мөлшерінде жәрдемақы алады.
№6. Асыраушысынан айырылғандарға берілетін жәрдемақы мөлшері қандай?
Асыраушысынан айырылғандарға берілетін жәрдемақы ең төменгі күнкөріс деңгейіне және адам санына байланысты есептеледі:
- ата-анасының бірі болмаған жағдайда балаларға немесе еңбекке жарамсыз отбасы мүшелеріне ай сайын – 46 783 теңге (2025 жылы – 42 530 теңге);
- екі адамға – 86 447 теңге (2025 жылы – 78 588 теңге);
- үш адамға – 114 415 теңге (2025 жылы – 104 014 теңге);
- төрт адамға – 132 213 теңге (2025 жылы – 120 194 теңге);
- бес адамға – 139 840 теңге (2025 жылы – 1127 129 теңге);
- алты және одан көп адамға – 152 553 теңге (2025 жылы – 138 685 теңге).
Ата-анасының екеуінен де айырылған жетім балаға 78 311 теңге беріледі.
№7. Мүгедектігі бар адамдарға берілетін жәрдемақы қаншаға өсті?
Жеті жасқа дейінгі мүгедектігі бар балаларға 81 870 теңге мемлекеттік жәрдемақы төленеді.
7 жастан 18 жасқа дейінгі мүгедектігі бар балаларға және бала кезінен мүгедектігі бар адамдарға берілетін жәрдемақы:
- I топ – 111 872 теңге;
- II топ – 93 057 теңге;
- III топ – 81 870 теңге.
Ересектер арасындағы мүгедектігі бар адамдар:
- I топ – 111 872 теңге;
- II топ – 89 498 теңге;
- III топ – 61 021 теңге.
Авария, жарылыс, радиация, экологиялық төтенше жағдай салдарынан мүгедек болып қалған қызметкерлер:
- I топ – 163 739 теңге;
- II топ – 139 840 теңге;
- III топ – 117 466 теңге.
Кәсіби әскери және арнаулы органдар қызметкерлері (қызметтік жарақат, мертігу, ауру салдарынан):
- I топ – 200 357 теңге;
- II топ – 154 589 теңге;
- III топ – 117 466 теңге.
Мүгедектігі бар баланы тәрбиелеп отырған анаға немесе әкеге, бала асырап алушыға, қамқоршыға ол 18 жасқа толғанға дейін тағайындалатын және төленетін мемлекеттік жәрдемақы – 81 870 теңге (2025 жылы – 74 428 теңге).
