Тап қазіргі валюта курсы:
USDUSD: 538.9 / 541.3
EUREUR: 624.5 / 628.5
RUBRUB: 6.53 / 6.65
USDUSD: 538.9 / 541.3
  • EUREUR: 624.5 / 628.5
  • RUBRUB: 6.53 / 6.65
Тікелей эфир

"Реалдың" шабуылына қарсы тұрған 18 жастағы Шерхан Қалмырза туралы не білеміз

Әсел Сарқыт Авторға хат жазу قازاقشا Qaz
Фото интернеттегі ашық дереккөздерден алынды
Фото интернеттегі ашық дереккөздерден алынды
Шерхан Қалмырза – Чемпиондар лигасы тарихындағы үшінші ең жас қақпашы.

Алматыда "Қайрат" пен аты аңызға айналған "Реал Мадрид" кездесуі өтті. Отандық футбол клубы испаниялықтарға 0:5 есебімен есе жіберсе де, жанкүйерлердің ризашылығына бөленді. Әсіресе, қақпаға бағытталған 12 соққының 7-еуін ұстап қалған қақпашы Шерхан Қалмырза көпшіліктің батасына бөленіп жатыр. 

Осы орайда Информбюро порталы 18 жастағы Шерхан Қалмырзаның футболдағы жолына үңіліп, материал әзірледі.

Шерхан Қалмырза кім?

Фото Шерхан Қалмырзаның Instagram парақшасынан алынды

Шерхан Қалмырза 2007 жылы 15 маусымда дүниеге келген. Бойы – 187 см, салмағы –  75 келі. "Қайрат" клубының жүйесінің түлегі, негізгі командада №82 нөмірмен ойнайды. Жас өспірімдерден бастап "Қайрат" академиясында тәрбиеленген.

Фото Шерхан Қалмырзаның Instagram парақшасынан алынды

"Қайрат" футбол клубының сапында 3 жылдан бері өнер көрсетіп келеді. "Қайраттың" жастар клубы сапында екі дүркін Қазақ жастар лигасының чемпионы атанған.

"Қайрат" – "Реал Мадрид" кездесуі. Фото: Pedro Castillo/Real Madrid via Getty Images

Алаңға алғаш қашан шықты?

"Қайрат" құрамында тұңғыш рет 2025 жылдың 14 қыркүйегінде "Ақтөбеге" қарсы ойында алаңға шықты. Бұл ойынды қақпашы Темірлан Анарбеков бастағанымен, ол бірінші таймда жарақат алып қалған еді. Сол кезде Шерхан оны алмастырған. 

Негізінен, ол "Қайраттың" ресми түрде үшінші қақпашысы болып есептеледі, негізгі қақпашылар жарақат алғанда алаңға шығады.

Оқи отырыңыз: "Қайратты" Чемпиондар лигасына шығарған Темірлан Анарбеков туралы не білеміз

Төрт күннен кейін Лиссабонда УЕФА Чемпиондар лигасындағы тұңғыш ойынын өткізді. "Спортингке" қарсы матч кезінде пенальти қайтарып, көзге түсті. "Қайрат" 1:4 есебімен жеңіліп қалса да, Шерхан Чемпиондар лигасы тарихындағы үшінші ең жас қақпашы атанды.

Фото Шерхан Қалмырзаның Instagram парақшасынан алынды

Оқи отырыңыз: "Қайрат" пен "Реал Мадрид" матчы: Мәтін түріндегі трансляция

Дебют жасаған сәтінде Шерхан Қалмырзаның жасы небәрі 18 жас 3 ай ғана болған. Ал әйгілі испан қақпашысы Икер Касильяс Чемпиондар лигасында 18 жас 3 ай 26 күнінде алғаш рет алаңға шыққан еді.

Ал Шерханнан жасырақ қақпашылардың қатарында бельгиялық "Генк" клубының қақпашысы Мартен Вандевордт (17 жас 9 ай 14 күн) және португалиялық "Бенфиканың" қақпашысы Миле Свилар (18 жас 1 ай 21 күн) тұр. 

Әлем көз тіккен қақпашы 

"Реал Мадрид" клубымен ойын соңында испандық қақпашы Тибо Куртуа Шерханмен жейдесін ауысты. Кейін Instagram парақшасында Шерханмен түскен суретін жариялады. Футбол жанкүйерлері мұны құрмет деп бағалап жатыр. 

Сонымен қатар шетелдік футбол жанкүйлерлері де Шерхан Қалмырза туралы жарыса жазып жатыр. 

Серіктестер жаңалықтары